Guru Shakti

Durga Kavach - Attract The World


Durga Kavach - Attract The World
||ब्रह्माण्डमोहन दुर्गाकवचम् ||

Durga is the energy of universe, every God & Goddess in the world. This Brahmand Mohan Kavach is recited to align yourself with each and every positive entity of this world. This kavach brings good luck, prosperity and abundance in life very quickly. Many sadhaks have been able to fulfill their wishes with the use of this kavach.This Kavach has been told by Lord Narayan Himself and is a very powerful kavach.
 
श्रीगणेशाय नमः |
नारद उवाच |
भगवन्सर्वधर्मज्ञ सर्वज्ञानविशारद |
ब्रह्माण्डमोहनं नाम प्रकृते कवचं वद ||१||

नारायण उवाच |
श्रृणु वक्ष्यामि हे वत्स कवचं च सुदुर्लभम् |
श्रीकृष्णेनैव कथितं कृपया ब्रह्मणे पुरा ||२||
ब्रह्मणा कथितं पूर्वं धर्माय जान्हवीतटे |
धर्मेण दत्तं मह्यं च कृपया पुष्करे पुरा ||३||
त्रिपुरारिश्च यद्धृत्वा जघान त्रिपुरं पुरा |
ममोच ब्रह्मा यद्धृत्वा मधुकैटभयोर्भयात् ||४||
सञ्जहार रक्तबीजं यद्धृत्वा भद्रकालिका |
यद्धृत्वा हि महेन्द्रश्च सम्प्राप कमलालयाम् ||५||
यद्धृत्वा  च महायोद्धा बाणः शत्रुभयङ्करः |
यद्धृत्वा शिवतुल्यश्च दुर्वासा ज्ञानिनां वरः ||६||
ॐ दुर्गेति चतुर्थ्यन्तः स्वाहान्तो मे शिरोऽवतु |
मन्त्रः षडक्षरोऽयं च भक्तानां कल्पपादपः ||७||
विचारो नास्ति वेदे च ग्रहणेऽस्य मनोर्मुने |
मन्त्रग्रहणमात्रेण विष्णुतुल्यो भवेन्नरः ||८||
मम वक्त्रं सदा पातु ॐ दुर्गायै नमोऽन्तकः |
ॐ दुर्गे इति कण्ठं तु मन्त्रः पातु सदा मम ||९||
ॐ ह्रीं श्रीमिति मन्त्रोऽयं स्कन्धं पातु निरन्तरम् |
ह्रीं श्रीं क्लीमिति पृष्ठं च पातु मे सर्वतः सदा ||१०||
ह्रीं मे वक्षस्थले पातु हं सं श्रीमिति सन्ततम् |
ऐं श्रीं ह्रीं पातु सर्वाङ्गं स्वप्ने जागरणे सदा ||११||
प्राच्यां मां पातु प्रकृतिः पातु वह्नौ च चण्डिका |
दक्षिणे भद्रकाली च नैऋत्यां च महेश्वरी ||१२||
वारुण्यां पातु वाराही वायव्यां सर्वमङ्गला |
उत्तरे वैष्णवी पातु तथैशान्यां शिवप्रिया ||१३||
जले स्थले चान्तरिक्षे पातु मां जगदम्बिका |
इति ते कथितं वत्स कवचं च सुदुर्लभम् ||१४||
यस्मै कस्मै न दातव्यं प्रवक्तव्यं न कस्यचित् |
गुरुमभ्यर्च्य विधिवद्वस्त्रालङ्कारचन्दनैः ||१५||
कवचं धारयेद्यस्तु सोऽपि विष्णुर्न संशयः |
स्नाने च सर्वतीर्थानां पृथिव्याश्च प्रदक्षिणे ||१६||
यत्फलं लभते लोकस्तदेतद्धारणे मुने |
पञ्चलक्षजपेनैव सिद्धमेतद्भवेद्ध्रुवम् ||१७||
लोके च सिद्धकवचो नावसीदति सङ्कटे |
न तस्य मृत्युर्भवति जले वह्नौ विषे ज्वरे ||१८||
जीवन्मुक्तो भवेत्सोऽपि सर्वसिद्धीश्वरीश्वरि |
यदि स्यात्सिद्धकवचो विष्णुतुल्यो भवेद्ध्रुवम् ||१९||
||इति श्रीब्रह्मवैवर्ते प्रकृतिखण्डान्तर्गतदुर्गाकवचम् सम्पूर्णम् ||

नोट:-अपने गुरूदेव से  दीक्षा प्राप्त करके ही इसका पाठ करें. 

Some Useful Mantras
Mantra For A Wonderful Life
Durga Sarv Aakarshan Mantra 
Durga Mantra To Excel In Business
Durga Mantra For Peace & Harmony
Mantra To Remove Tantrik Effects of Enemies 
Sarv Pitra Dosha Nivaran Mantra
Navagraha Dosha Nivarana Mantra
Shatru Maran Dhumavati Mantra
Obstacle Remover Durga Mantra


Print Friendly and PDF