Shiv Suprabhatam


शिव सुप्रभातम्

 

  Shiva Suprabhatam

Lord Shiva is the Lord of all Yogis, Aghoris, Yaksha and Kinnara. Shiva is the destroyer of world and destroyer of death also.  Shiva Suprabhatam is a stotra, hymn of praise in the Hindu tradition that describes Shiva's power and beauty. It is believed that one who reads this divine stotra of Lord Shiva in the morning, gets the company of Lord Shiva with wisdom and a sure divine place.

 

    Shiva Suprabhatam


श्रीमद्दक्षपुरीवास भीमेश्वर महाप्रभो ।
भवच्चरणसान्निद्ध्ये सुप्रभातं मयार्पितम् ॥ १॥

Shreemaddakshapureevaasa Bheemeshvara Mahaaprabho 
Bhavachcharanasaanniddhye Suprabhaatam Mayaarpitam 

 

उत्तिष्ठोत्तिष्ठ भीमेश उत्तिष्ठ वृषवाहन ।
उत्तिष्ठ शिव  गौरीश त्रैलोक्यं मङ्गलं कुरु ॥ २॥

Uttisht'hottisht'ha Bheemesha Uttisht'ha Vri'shavaahana 
Uttisht'ha Shiva  Gaureesha Trailokyam Mangalam Kuru 

 

जय दक्षपुराधीश जय श्रीवृषभध्वज ।
जय माणिक्यदेवीश त्रैलोक्यं मङ्गलं कुरु ॥ ३॥

Yaya Dakshapuraadheesha Jaya Shreevri'shabhadhvaja 
Yaya Maanikyadeveesha Trailokyam Mangalam Kuru 

 

मातस्समस्तजगतां सुखदानदक्षे
     भीमेशवामनिलये  श्रितपारिजाते ।
शर्वाणि दक्षपुरनित्यनिवासदीक्षे
     भीमेशदेवदयिते तव सुप्रभातम् ॥ ४॥

Maatassamastajagataam Sukhadaanadakshe
     Bheemeshavaamanilaye  Shritapaarijaate 
Sharvaani Dakshapuranityanivaasadeekshe
     Bheemeshadevadayite Tava Suprabhaatam 

 

तव सुप्रभातमरविन्दलोचने
     भवतु प्रसन्नमुखचन्द्रशोभिते ।
विधिवासुदेववनितादिपूजिते
     भीमेशदेवदयिते तव सुप्रभातम् ॥ ५॥

Tava Suprabhaatamaravindalochane
     Bhavatu Prasannamukhachandrashobhite 
Vidhivaasudevavanitaadipoojite
     Bheemeshadevadayite Tava Suprabhaatam 

 

शर्वाणि सस्मितलसन्मुखचन्द्रबिम्बे
     भीमाधरोष्ठपरिपूर्णकृपावलम्बे ।
कादम्बिकावननिवासिनि लोकमान्ये
     भीमेशदेवदयिते तव सुप्रभातम् ॥ ६॥

Sharvaani Sasmitalasanmukhachandrabimbe
     Bheemaadharosht'haparipoornakri'paavalambe 
Kaadambikaavananivaasini Lokamaanye
     Bheemeshadevadayite Tava Suprabhaatam 

 

चम्पालताङ्गि शुभकारिणि शातकुम्भ-
     शुम्भत्प्रभाजयविराजदुरोजयुग्मे ।
शर्मप्रदायिनि शशाङ्ककलावतंसे
     भीमेशदेवदयिते तव सुप्रभातम् ॥ ७॥

Champaalataangi Shubhakaarini Shaatakumbha-
     Shumbhatprabhaajayaviraajadurojayugme 
Sharmapradaayini Shashaankakalaavatamse
     Bheemeshadevadayite Tava Suprabhaatam 

 

देवेन्द्रमौलिमणिस्थलनतपादपद्म
     सर्वाप्सराभिनयशोभितचत्वरान्त ।
भक्तार्तिपर्वतसुवज्रशिवेश शम्भो
     श्रीभीमशङ्करविभो तव सुप्रभातम् ॥ ८॥

Devendramaulimanisthalanatapaadapadma
     Sarvaapsaraabhinayashobhitachatvaraanta 
Bhaktaartiparvatasuvajrashivesha Shambho
     Shreebheemashankaravibho Tava Suprabhaatam 

 

श्रीभीमनाथ करुणाकर दीनबन्धो
     श्रीशादिदेवगणपालितलोकबन्धो ।
श्रीपार्वतीवदनपङ्कजपद्मबन्धो
     श्रीभीमशङ्करविभो तव सुप्रभातम् ॥ ९॥

Shreebheemanaatha Karunaakara Deenabandho
     Shreeshaadidevaganapaalitalokabandho 
Shreepaarvateevadanapankajapadmabandho
     Shreebheemashankaravibho Tava Suprabhaatam 

 

ब्रह्मादिदेवनुत देवगणाधिनाथ
     देवेन्द्रवन्द्य मृदुपङ्कजपादयुग्म ।
देवर्षिनारदमुनीन्द्रसुगीतकीर्ते
     श्रीभीमशङ्करविभो तव सुप्रभातम् ॥ १०॥

Brahmaadidevanuta Devaganaadhinaatha
     Devendravandya Mri'dupankajapaadayugma 
Devarshinaaradamuneendrasugeetakeerte
     Shreebheemashankaravibho Tava Suprabhaatam 

 

हीरादिदिव्यमणियुक्तकिरीटहार-
     केयूरकुण्डललसत्कवचाभिराम ।
भक्तार्चित प्रणववाच्यनिजस्वरूप
     श्रीभीमशङ्करविभो तव सुप्रभातम् ॥ ११॥

Heeraadidivyamaniyuktakireet'ahaara-
     Keyoorakund'alalasatkavachaabhiraama 
Bhaktaarchita Pranavavaachyanijasvaroopa
     Shreebheemashankaravibho Tava Suprabhaatam 

 

श्रीदक्षवाटपुरसंस्थितदिव्यलिङ्ग
     त्रैलिङ्गलिङ्ग त्रिगुणात्मक शक्तियुक्त ।
वन्दारुवृन्दनुत वेदवनीविहार
     श्रीभीमशङ्करविभो तव सुप्रभातम् ॥ १२॥

Shreedakshavaat'apurasamsthitadivyalinga
     Trailingalinga Trigunaatmaka Shaktiyukta 
Vandaaruvri'ndanuta Vedavaneevihaara
     Shreebheemashankaravibho Tava Suprabhaatam 

 

पञ्चाक्षरादिमनुयन्त्रितगाङ्गतोयैः
     पञ्चामृतैः प्रमुदितेन्द्रयुतैर्मुनीन्द्रैः ।
पट्टाभिषिक्त हरियुक्त शिवासनाथ
     श्रीभीमशङ्करविभो तव सुप्रभातम् ॥ १३॥

Panchaaksharaadimanuyantritagaangatoyaih'
     Panchaamri'taih' Pramuditendrayutairmuneendraih' 
Pat't'aabhishikta Hariyukta Shivaasanaatha
     Shreebheemashankaravibho Tava Suprabhaatam 

 

कैलासनाथ कलिदोषमहान्धसूर्य
     कञ्जासनादिसुरवन्दितपादपद्म ।
वेश्याप्रनृत्यपरितुष्टमनोऽम्बुजात
     श्रीभीमशङ्करविभो तव सुप्रभातम् ॥ १४॥

Kailaasanaatha Kalidoshamahaandhasoorya

     Kanjaasanaadisuravanditapaadapadma 

Veshyaapranri'tyaparitusht'amano'mbujaata

     Shreebheemashankaravibho Tava Suprabhaatam 

 

अग्रे वसन्ति तव पादतले सुभक्त्या
     दिक्पालका विनयनम्रशिरःप्रयुक्ताः ।
शम्भो महेश इति देव वदन्ति ये त्वां
     श्रीभीमशङ्करविभो तव सुप्रभातम् ॥ १५॥

Agre Vasanti Tava Paadatale Subhaktyaa
     Dikpaalakaa Vinayanamrashirah'prayuktaah' 
Shambho Mahesha Iti Deva Vadanti Ye Tvaam
     Shreebheemashankaravibho Tava Suprabhaatam 

 

लिङ्गाकृते निखिलजीवगणात्मलिङ्ग
     गङ्गाधर प्रमथसेवितदिव्यपाद ।
भोगीन्द्रहार परिरक्षितसाधुलोक
     श्रीभीमशङ्करविभो तव सुप्रभातम् ॥ १६॥

Lingaakri'te Nikhilajeevaganaatmalinga
     Gangaadhara Pramathasevitadivyapaada 
Bhogeendrahaara Parirakshitasaadhuloka
     Shreebheemashankaravibho Tava Suprabhaatam 

 

शम्भो शशाङ्कधर शङ्कर  शूलपाणे
     स्वामिन्  त्रिशूलधर मोक्षद भोगदायिन् ।
सर्वावतारधर पालितजीवलोक
     श्रीभीमशङ्करविभो तव सुप्रभातम् ॥ १७॥

Shambho Shashaankadhara Shankara  Shoolapaane
     Svaamin  Trishooladhara Mokshada Bhogadaayin 
Sarvaavataaradhara Paalitajeevalok
     Shreebheemashankaravibho Tava Suprabhaatam 

 

श्रीभीमनाथ हर दिव्यतलाधिवास
     श्रीपार्वतीहृदयपङ्कजभृङ्गरूप ।
श्रीनीलकण्ठ पर शर्व उमेश शम्भो
     श्रीभीमशङ्करविभो तव सुप्रभातम् ॥ १८॥

Shreebheemanaatha Hara Divyatalaadhivaasa
     Shreepaarvateehri'dayapankajabhri'ngaroopa 
Shreeneelakant'ha Para Sharva Umesha Shambho
     Shreebheemashankaravibho Tava Suprabhaatam 

 

कन्दर्पदर्पहर कञ्जभवादिवन्द्य
     गौरीकुचाम्बुरुहकुट्मललोलदृष्टे ।
भद्रप्रदातृभवभक्तिसुलभ्य देव
     श्रीभीमशङ्करविभो तव सुप्रभातम् ॥ १९॥

Kandarpadarpahara Kanjabhavaadivandya
     Gaureekuchaamburuhakut'malaloladri'sht'e 
Bhadrapradaatri'bhavabhaktisulabhya Deva
     Shreebheemashankaravibho Tava Suprabhaatam 

 

 

भस्मप्रलिप्तशुभदायक दिव्यमूर्ते
     भस्मासुरादिखलमर्दनकम्ररूप ।
गौरीविनिर्मितसुभक्ष्यसुभोज्यभोजिन्
     श्रीभीमशङ्करविभो तव सुप्रभातम् ॥ २०॥

Bhasmapraliptashubhadaayaka Divyamoorte
     Bhasmaasuraadikhalamardanakamraroopa 
Gaureevinirmitasubhakshyasubhojyabhojin
     Shreebheemashankaravibho Tava Suprabhaatam 

 

नन्दीशवाह नरकार्णवकर्णधार
     नारायणादिसुरसंस्तुतदिव्यनाम ।
श्रीदक्षवाटपुरनिर्मितदिव्यसौध
     श्रीभीमशङ्करविभो  तव सुप्रभातम् ॥ २१॥

Nandeeshavaaha Narakaarnavakarnadhaara
     Naaraayanaadisurasamstutadivyanaama 
Shreedakshavaat'apuranirmitadivyasaudha
     Shreebheemashankaravibho  Tava Suprabhaatam 

 

श्रीमन्गणादिमुनिभावितदिव्यदेह
     त्रय्यन्तवेद्य त्रिपुरान्तक  श्रीत्रिनेत्र ।
ज्ञानार्थदानपरिनिष्ठितदिव्यचित्त
     श्रीभीमशङ्करविभो  तव सुप्रभातम् ॥ २२॥

Shreemanganaadimunibhaavitadivyadeha

     Trayyantavedya Tripuraantaka  Shreetrinetra 

Nyaanaarthadaanaparinisht'hitadivyachitta

     Shreebheemashankaravibho  Tava Suprabhaatam 

 

व्यासादिपण्डितवरस्तुत  दिव्यचित्त
     भक्तालिदिव्यपदवीप्रद  भासुराङ्ग ।
संसारसार शिव शान्त  सुरूप  शम्भो
     श्रीभीमशङ्करविभो तव सुप्रभातम् ॥ २३॥

Vyaasaadipand'itavarastuta  Divyachitta
     Bhaktaalidivyapadaveeprada  Bhaasuraanga 
Samsaarasaara Shiva Shaanta  Suroopa  Shambho
     Shreebheemashankaravibho Tava Suprabhaatam 

 

उन्मील्य नेत्रयुगलं द्विजवृन्दमाशु
     पञ्चाक्षरीजपसुनिष्ठितदिव्यचित्त ।
आयाति ते पदसरोजतलन्तु नित्यं
     श्रीभीमशङ्करविभो तव सुप्रभातम् ॥ २४॥

Unmeelya Netrayugalam Dvijavri'ndamaashu
     Panchaakshareejapasunisht'hitadivyachitta 
Aayaati Te Padasarojatalantu Nityam
     Shreebheemashankaravibho Tava Suprabhaatam 

 

तन्त्रीनिबद्धस्वरयुक्तवर्णा
     गायन्ति ते दिव्यचरित्रमारात् ।
भक्त्या नितान्तं भवनारदाद्या
     भीमेशभूयात् तव सुप्रभातम् ॥ २५॥

Tantreenibaddhasvarayuktavarnaa
     Gaayanti Te Divyacharitramaaraat 
Bhaktyaa Nitaantam Bhavanaaradaadyaa
     Bheemeshabhooyaat Tava Suprabhaatam 

 

श्रितालिसत्काम्यसुपारिजात
     श्रीविष्णुचक्रप्रद भव्यतीर्थ ।
श्रीसूर्यहस्तार्चितदिव्यपाद
     भीमेशभूयात् तव सुप्रभातम् ॥ २६॥

Shritaalisatkaamyasupaarijaata
     Shreevishnuchakraprada Bhavyateertha 
Shreesooryahastaarchitadivyapaada
     Bheemeshabhooyaat Tava Suprabhaatam 

 

श्रीबिल्वपत्रार्चितपादपद्म
     श्रीविष्णुहृत्तामरसाभिरम्य ।
नागेन्द्रभूषाप्रिय नाकवन्द्य
     भीमेशभूयात् तव सुप्रभातम् ॥ २७॥

Shreebilvapatraarchitapaadapadma
     Shreevishnuhri'ttaamarasaabhiramya 
Naagendrabhooshaapriya Naakavandya
     Bheemeshabhooyaat Tava Suprabhaatam 

 

श्रीसप्तगोदावरिहेमपदैः
     सम्पूजितुं त्वां तु नितान्तभक्त्या ।
आयान्ति भक्ताश्च सुदूरदेशात्
     भीमेशभूयात् तव सुप्रभातम् ॥ २८॥

Shreesaptagodaavarihemapadaih'
     Sampoojitum Tvaam Tu Nitaantabhaktyaa .
Aayaanti Bhaktaashcha Sudooradeshaat
     Bheemeshabhooyaat Tava Suprabhaatam 

 

श्रीसप्तगोदावरिपूतनीरैः
     मूर्धाभिषिक्तेश्वर मङ्गलाङ्ग ।
शम्भो महादेव जगन्निवास
     भीमेशभूयात् तव सुप्रभातम् ॥ २९॥

Shreesaptagodaavaripootaneeraih'
     Moordhaabhishikteshvara Mangalaanga 
Shambho Mahaadeva Jagannivaasa
     Bheemeshabhooyaat Tava Suprabhaatam 

 

इत्थं वृषध्वजविभोरिह सुप्रभातं
     ये सज्जनाः प्रतिदिनं पठितुं प्रवृत्ताः ।
तेषां प्रभातसमये शिवभक्तिमाद्यां
     प्रज्ञां सुमुक्तिपदवीं श्रियमाशु दद्यात् ॥ ३०॥

Ittham Vri'shadhvajavibhoriha Suprabhaatam
     Ye Sajjanaah' Pratidinam Pat'hitum Pravri'ttaah' 
Teshaam Prabhaatasamaye Shivabhaktimaadyaam
     Prajnyaam Sumuktipadaveem Shriyamaashu Dadyaat 

 

इति शिव सुप्रभातं सम्पूर्णम् ।


 Contact WhatsApp

Published on Jun 5th, 2020


Do NOT follow this link or you will be banned from the site!